వెన్నెల

వెన్నెల

జీవితకాల నేస్తం

ఒక్కరోజు ఉన్నా వంద ఊసులు చెప్పి పోతుంది

మళ్ళీ వస్తానని ధైర్యం చెప్పి 

ఎదురుచూపులోని విరహబాధను 

రుచి చూపిస్తుంది

మనసు లోతులు వెతికి చూస్తుంది

జ్ఞాపకాల తెరలని తెరచి పెడుతుంది

మధురానుభవాలని నెమరువేస్తుంది

బిగికౌగిలిలో ఒదిగిపోతుంది

సాగర సడులను వినిపిస్తుంది

నిశ్శబ్దం విలువ తెలుపుతుంది

మౌనంగా ఎదగమని హితవు చెబుతుంది

పలకరింపులలో తీయని ప్రేమను రుచిచూపిస్తుంది.

జీవితాంతం బాసటగా నిలుస్తానని బాస చేస్తుంది

రేకెత్తే ఆలోచనలను తన పిల్లగాలులతో జో కొట్టి

నిశిరాత్రిలో కమ్మని కలగా లీలగా 

నలుపుతెలుపుల ఇంద్రధనుస్సును 

ఆవిష్కరింపజేస్తుంది